لەگەڵ نزیکبوونەوەی وەرزی بەبازاڕکردنی گەنمی جوتیاران بڕیارە عێراق بە رێگای ئەلیکترۆنی شایستە داراییەکانیان دابەشبکات.
حەیدەر نوری کرعاوی بەڕێوەبەری گشتیی کۆمپانیای بازرگانیی دانەوێڵە رایگەیاند، ئامادەکاری بۆ وەرزی بەبازاڕکردنی گەنمی جوتیاران کراوە، لە پارێزگاکانی کەرکوک و سەماوە و میسان بارهەڵگری تایبەت بە گواستنەوەی دانەوێڵە دابینکراوە.
ئاماژەی بەوەشکرد، بە بڕیاری ئەنجومەنی وەزیرانی عێراق نرخی هەر تۆنێک گەنم بە 850 هەزار دینار دیاریکراوە، بڕیارە کارتی بانکی بۆ جوتیاران دروستبکرێت و شایستە داراییەکانیان بە شێوەی ئەلیکترۆنی پێبدرێت
