وەزارەتی كار رەخساندنی 400 هەزار هەلی كاری راگەیاند و وەزیر دەڵێت، “دادەمەزرێندرێن”.
ئەحمەد ئەسەدی وەزیری كار و كاروباری كۆمەڵایەتیی عێراق ئاشكرایكرد، لە یاسای نوێی خانەنشینی و دەستەبەری كۆمەڵایەتیدا 400 هەزار هەلی كار بۆ گەنجان دەڕەخسێندرێن.
وتیشی، بە پەسەندكردنی پڕۆژەیاسای نوێی خانەنشینی و دەستەبەری كۆمەڵایەتی لەلایەن ئەنجومەنی نوێنەرانەوە، دەتوانن گەنجان بخەنەسەر كار و رێژەی هەژاری كەمدەكەنەوە و رێكارێكی نوێ دەگرنەبەر كە خزمەتی توێژی هەژاران بكات.
بەپێی وتەی وەزیری كار و كاروباری كۆمەڵایەتیی عێراق، لیژنە لە هەردوو وەزارەتی كار و پلاندانان پێكدەهێنن بۆ پێداچوونەوە بە دۆخی كەمدەرامەتان و رێكخستنی كاروباری كرێكارانی ناوخۆ و بیانی و دەستەبەركردنی هەلی كار بۆ بێكاران.
