بەڕێوەبەریی بەرگریی شارستانیی سۆران لە نوێترین زانیارییدا راگەیاند، “چەندین تیمی خۆبەخش شانبەشانی بەرگریی شارستانی بەدوای تەرمی مامۆستا ئاڤێستادا دەگەڕێن”.
کاروان میراودەلی، بەڕێوەبەریی بەرگریی شارستانیی سۆران، بە تۆڕی میدیایی ئێستای راگەیاند، لە ئێستادا بەردەوامین لە گەڕان و پشکنینەکانمان و پرۆسەی گەڕان و چاودێرییەکانمان بۆ دۆزینەوەی تەرمی مامۆستا ئاڤێستا چڕکردووەتەوە و خێرامانکردوون، هەروەها رۆژانە تیمە تایبەتەکانمان دەگۆرین و تیمی نوێ دەهینیە ناو بازنەی گەڕان و پشکنینەکانمان.
دەشڵێت، ” رۆژانە لەریگای 200 کارمەندەوە چاودێری پرۆسەی دۆزینەوەی تەرمی مامۆستا ئاڤێستا دەکەین”.
ئاماژەی بەوەشدا، لە شەواندا کاتی گەڕانەکانمان دەوەستێنین و لەبەرامبەردا دوو خاڵی چاودێریمان جێگیرکردووە و لەرێگەیانەوە چاودێری چڕی رووباری زێی گەورە دەکەین.
