مەكتەبی سیاسیی یەكێتیی نیشتمانیی كوردستان بەبۆنەی سەری ساڵی ئێزدی پەیامێك ئاڕاستەی خوشك و برایانی ئێزدی دەكات و رایدەگەیەنێت، “ئێزدییەكان پێكهاتەیەكی رەسەنی كوردستانن و لە مێژووی كۆن و نوێدا چەندینجار رووبەڕووی پەلاماردان و نەهامەتی بوونەتەوە”.
دەقی پەیامی مەكتەبی سیاسی…
بەبۆنەی سەری ساڵی ئێزدی جەژنی (چارشەمبا سۆر) گەرمترین پیرۆزبایی ئاڕاستەی خوشك و برا ئێزدییەكان لە كوردستان و عێراق و جیهان دەكەین و هیوای جەژنێكی پڕ لە خۆشی و كامەرانیان بۆ دەخوازین.
ئێزدییەكان پێكهاتەیەكی رەسەنی كوردستانن و لە مێژووی كۆن و نوێدا چەندینجار رووبەڕووی پەلاماردان و نەهامەتی بوونەتەوە.
ئەمڕۆ لەم جەژنەدا هەنگاوەكانی گەڕاندنەوەی ژیانی شكۆمەندانە بۆ ئێزدییەكان لە شەنگال و دەوروبەری كار و ئەركی خێراتركردنی هەمووانە لە لایەنە سیاسیەكان و حكومەتی هەرێم و حكومەتی فیدڕاڵی تاوەكو گرەنتی ئۆقرەیی یەكجارەكیان بۆ دابینبكەین و رووبەڕووی هیچ مەترسییەكی پەلاماردان نەبنەوە.
مەكتەبی سیاسی
یەكێتیی نیشتمانیی كوردستان
