رێباز حەملان بریكاری پێشووی وەزارەتی دارایی عێراق رایدەگەیەنێت، لیستی مووچەی مانگی چوار لە كاتی خۆیدا بۆ بەغداد دەنێردرێت و هیوادارین پارەی تەرخانكراو بۆ مووچە لە كاتی خۆیدا بنێردرێت.
راشیگەیاند، حكومەتی هەرێم پابەندییەكانی جێبەجێكردووە و هاوشێوەی لیستی مووچەی مانگی دوو و سێیە و هیچ گۆڕانگارییەكی بەسەردا نایەت، تەنها ئەو مووچەخۆرانەی خانەنشین دەبن لە لیستەكە دەردەكرێن.
راشیگەیاند، ئەگەر هیچ كێشەیەك دروست نەكرێت ناردنی مووچە بۆ هەرێم بەردەوامدەبێت و جگەلەوەش لیستی مووچەی مووچەخۆرانی هەرێم لە ئێستادا خاوێنە.
