جێگری پارێزگاری سلێمانی رایدەگەیەنێت، گرنگە مووچە بەبانكی بكرێت تاوەكو هیچ بیانوویەك بۆ دواكەوتنی مووچە نەمێنێت.
شاهۆ عوسمان جێگری پارێزگاری سلێمانی لە كۆنفرانسێكی رۆژنامەوانیدا كە پەیامنێری تۆڕی میدیایی ئێستا ئامادەیبوو رایگەیاند، پرسی بە بانكیكردنی مووچە یاساییە و لە یاسای بودجەی سێ ساڵەی عێراقدا ئاماژە بە بانكیكردنی مووچە كراوە و بە پێی بڕیاری دادگای فیدراڵی عێراقیش دەبێت مووچەی مووچەخۆرانی هەرێم بەبانكی بكرێت.
جێگری پارێزگاری سلێمانی جەختیكردەوە و وتیشی، “بەلامانەوە گرنگە مووچەی مووچەخۆرانی هەرێم بە بانكی بكرێت تاوەكو هیچ بیانوویەك بۆ دواكەوتنی مووچە نەمێنێت”.
