بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغداد لەگەڵ موسەنا سامەڕائی، سەرۆكی هاوپەیمانیی عەزم كۆبووەوە.
لە كۆبوونەوەكەدا نزار ئامێدی، ئەندامی مەكتەبی سیاسی و خالید شوانی، وەزیری دادی عێراق ئامادەبوون، ئاڵنگارییەكانی بەردەم پڕۆسەی سیاسی لە عێراق و ناوچەكە تاوتوێكران و جەخت لە هەماهەنگی و لێكتێگەیشتنی لایەنە سیاسییەكان بۆ پاراستنی ئارامی و سەقامگیریی وڵات كرایەوە.
هەر لە كۆبوونەوەكەدا هەردوولا لەبارەی رەخساندنی زەمینەی لەبار بۆ ئەنجامدانی هەڵبژاردنێكی پاك و بێگەرد بیروبۆچوونیان ئاڵوگۆڕكرد.
بافڵ جەلال تاڵەبانی و موسەنا سامەڕائی جەختیان لەسەر پێویستیی پاراستنی مافی هەموو پێكهاتەكانی عێراق و دەستەبەركردنی دادپەروەری لە نێوانیاندا كردەوە، وەكو ئەوەی لە دەستووردا هاتووە.
