ئەمڕۆ هەینی نرخی زێڕ و نەوت لە بازاڕەكانی جیهاندا گۆڕانكاریی بەسەرداهات و بەرزبوونەوەیان تۆماركرد.
بەپێی داتاكانی بازاڕی جیهانی بۆ نرخی نوت، زێڕ و دراوە جیهانییەكان، نرخی نەوت و زێڕ گۆڕانكارییان بەسەرداهات و نرخی یەك بەرمیل نەوتی برێنت بۆ 73 دۆلار و 25 سەنت بەرزبووەوە.
هەروەها، بەهای زێڕیش لە بەرزبوونەوە بەردەوامە و نرخی یەك ئۆنسە زێڕیش بە سێ هەزار و 83 دۆلار مامەڵەی پێوەدەكرێت.
هۆكارەكانی ناجێگریی نرخی نەوت و زێڕ پەیوەندییەكی راستەوانەیان بە كێشەكانی ئێستا جیهان و گۆڕانكارییە جیۆپۆلەتیكییەكانەوە هەیە و سەرۆكی ئەمریكاش لە هەوڵەكانی بۆ جێگیركردنی نرخی نەوت بەردەوامە.
