رکابەرییە بازرگانی و ئابوورییەکانی ئەمریکا و چین و بەرزکردنەوەی ئاستی باجە گومرگییەکان نرخی نەوتی عێراقی بۆ نزمترین ئاستی لە ماوەی پێنج ساڵی رابردوودا دابەزاند.
ئەمڕۆ پێنجشەممە نرخی نەوتی خاوی برێنت 77 سەنت دابەزی و هەر بەرمیلێکی بە 64.71 دۆلار فرۆشرا، نەوتی خاوی تەکساس 65 دۆلار دابەزی و هەر بەرمیلێکی بە 61.70 دۆلار فرۆشرا.
نەوتی خاوی بەسرە بە 59.5 دۆلار فرۆشرا، کە ئەمە نزمترین نرخە لە ماوەی پێنج ساڵی رابردوودا.
لەدوای راگەیاندنی یاسا نوێیەکانی باجی گومرگی لەلایەن دۆناڵد ترەمپەوە، نرخی نەوتی عێراق 21% ی بەهاکەی لەدەستداوە، کە دەکاتە 15 دۆلار بۆ هەر بەرمیلێک.
زیانەکانی عێراق بە 50 ملیۆن دۆلاری رۆژانە دەخەمڵێنرێت، لە ئەگەری بەردەوامبوونیشی ئەگەری دروستبوونی قەیرانێکی دارایی لە وڵاتەکە دەهێنێتە ئاراوە.
