بڕیارەکانی دۆناڵد ترەمپ سەرۆکی ئەمریکا سەبارەت بە بەرزکردنەوەی باجی گومرگی نرخی زێڕی لە بازاڕەکانی جیهاندا بەرزترکردەوە.
ئەمڕۆ پێنجشەممە نرخی یەک ئۆنسە زێڕ لە بازاڕەکانی جیهاندا بە سێ هەزار و 118 دۆلار مامەڵەی پێوەدەکرێت.
بڕیارەکانی دۆناڵد ترەمپ بۆ زیادکردنی باجی گومرگی لەسەر زۆرینەی وڵاتانی جیهان و چین لە پێش هەموویانەوە، بووەتە هۆکاری ناجێگیری لە بازاڕەکانی جیهاندا و دابەزینی بەهای پشکی کۆمپانیا گەورەکانی جیهان.
دابەزینی بەهای پشکی کۆمپانیاکان، بووەتە هۆی زیادبوونی خواست لەسەر ئەو کانزا زەردە بە مەبەستی پارێزگاریکردن لە سامانەکانیان.
