بە پاڵپشتیی نەتەوە یەکگرتووەکان 200 دۆنم زەوى لە عێراق بە زەیتون و فستق دەچێندرێت.
وەزارەتى کشتوکاڵى عێراق بڵاویکردەوە، زەویی تەرخانکراو بۆ پرۆژەکە دەکەوێتە ناوچەى حەدیسە سەر بە پارێزگارى ئەنبار.
ئاماژەشیدا، پرۆژەکە لەلایەن فەرمانگەى دارستانەوە جێبەجێ دەکرێت بە پاڵپشتیی بەرنامەى گەشەپێدانى نەتەوە یەکگرتووەکان (UNDP).
لە پرۆژەکەدا زەیتوونى پڕ زەیت و فستقى حەلەبى دەچێندرێن، سەرەڕاى بونیادنانى فەرمانگەیەک، دامەزراندنى دوو سیستمى وزەى خۆر بە تواناى 37 کیلۆوات، هەڵکەندنى دوو بیر و دامەزراندنى سیستمى دڵۆپاندن بۆ نەمامەکان.
