سەمیر هەورامی رایگەیاند، لیستی مانگی چوار کەمترین گرفتی تێدایە، لەدوای 20 ئەم مانگە تەمویلکردنی مووچە دەستپێدەکات.
سەمیر هەورامی وتەبێژی قوباد تاڵەبانی جێگری سەرۆکی ئەنجومەنی وەزیران رایگەیاند، لیستی مووچەی مانگی سێ هەمان لیستی مووچەی مانگی دوو بوو بۆیە کەمترین گرفتی هەبوو، بۆ مووچەی مانگی چواریش دیسان بەهەمان سیستمی پەیڕۆڵ دەنێردرێتەوە بۆ حکومەتی فیدڕاڵ، بۆیە کەمترین کاتی بۆ وردبینیکردن پێویستە.
ئاشکراشیکرد، لەم هەفتەیەدا لیستی مووچە ئامادەدەکرێت و رەوانەی بەغداد دەکرێت، لەدوای 20 ی مانگەوە تەمویلی مووچە دەستپێدەکات.
جەختیشیکردەوە، هیچ گرفتێک لەبارەی مووچەدا نەماوە، جگە لە هەندێک گرفتی تایبەت بە نەوت کە ئەمەش ناکاتە ئەوەی مووچە دوابکەوێت، دەبێت مووچە لەکاتی خۆیدا رەوانەبکرێت.
