جارێکی دیکە نرخی زێڕ ئاستێکی پێوانەیی تۆمارکرد و گەیشتە بەرزترین ئاستی خۆی لە مێژوودا.
ئێوارەی ئەمڕۆ چوارشەممە، نرخی یەک ئۆنسە زێڕ لە بازاڕەکانی جیهاندا گەیشتە سێ هەزار و 124 دۆلار، ئەمەش یەکەمجارە لە مێژووی مامەڵەکردن بە زێڕەوە، نرخی ئەو کانزایە گەیشتبێتە ئەو ئاستە.
شارەزایانی ئابوری هۆکارێکی سەرەکیی بەرزبوونەوەی نرخی زێڕ دەگەڕێننەوە بۆ ئەو نادڵنیاییەی لەبارەی زیادکردنی باجی گومرگ لەسەر وڵاتانی دیکە لەلایەن دۆناڵد ترەمپ، سەرۆکی ئەمریکاوە، هەیە.
