بەڕێوەبەرایەتیی هاتوچۆی کۆیە رایگەیاند، لەسەر رێگای هەولێر – رانیە، رووداوێکی هاتوچۆ روویدا و بەهۆیەوە 12 کەس برینداربوون.
بەڕێوەبەرایەتییەکە لە راگەیەندراوێکدا دەڵێت، رووداوەکە لە نزیک گوندی سماقوڵی – سەروچاوە لە نێوان ئۆتۆمبێلێکی کرێ و ئۆتۆمبێلێکی تایبەتدا روویداوە، کە بەهۆیەوە رووداوەکەوە 12 سەرنشین برینداربوون.
هاتوچۆی کۆیە داواش لە شۆفێران دەکات، پابەندی هێماکانی شەقام و رێنمایی هاتوچۆ بن.
