توێژینەوەیەکی نوێ سەلماندوویەتی، زیادبەکارهێنانی خوێ لە خواردنەکاندا مەترسیی تووشبوون بە قەڵەوی بە تایبەت لە ناوچەی ورگدا زیاددەکات، کە یەکێکە لە مەترسیدارترین جۆرەکانی قەڵەوی.
توێژینەوەکە لەلایەن توێژەرانی زانکۆی تولاینی ئەمریکی ئەنجامدراوە و دەرکەوتووە، پەیوەندییەکی راستەوخۆ لەنێوان بەرزبوونەوەی رێژەی سۆدیۆم لە سیستمی خۆراکیدا و کەڵەکەبوونی چەوری لە ناوچەی ورگدا هەیە، تەنانەت ئەگەر کەسەکە کۆی جەستەی تووشی قەڵەوی نەبووبێت.
توێژەران دەڵێن، دەرئەنجامەکانی توێژینەوەکە بۆی سەلماندووین خوێ کاریگەریی خراپی دەردانی ئەنسۆلین و کرداری میتاپۆلیزمدا هەیە.
ئاماژە بەوەشدەکەن، کەمکردنەوەی بەکارهێنانی خوێ، تەنها فشاری خوێن کۆنتڕۆڵناکات، بەڵکو کۆنتڕۆڵی کەڵەکەبوونی چەوری ورگیش دەکات.
