کەشناسیی عێراق رایگەیاند، لە رۆژانی جەژنی رەمەزاندا پێشبینی هاتنی شەپۆلێکی بارانبارین دەکرێت لە شارەکانی عێراق و هەرێمی کوردستاندا و پلەی گەرمیش نزمدەبێتەوە.
دەستەی کەشناسیی و بومەلەرزەزانیی عێراق پێشبینییەکانی بۆ کەشوهەوای رۆژانی جەژنی رەمەزان لە شارەکانی عێراق و هەرێمی کوردستاندا بڵاوکردەوە و ئاماژەی بەوەدا، لە رۆژی یەکشەممەدا ئەگەری بارانبارین بوونی دەبێت و شەپۆلێکی بارانبارین ناوچەکە دەگرێتەوە، هەروەها ئاسمان نیمچە هەور و پەڵە هەور دەبێت، بەراورد بە چەند رۆژی رابردووش پلەی گەرمی چەند پلەیەک دادەبەزێت.
ئاماژەی بەوەشدا، دەربارەی کەشوهەوای رۆژی دوو شەممە، پلەی گەرمی چەند پلەیەک دادەبەزێت و ئەگەری بارانبارینیش بوونی دەبێت، ئاسمانیش هاوشێوەی رۆژی یەکشەممە پەڵەهەور و نیمچە هەور دەبێت.
