“جۆ بایدن بە ڕەگەز كوردە”

سەركردەیەكی حزبەكەی ئەردۆغان دەڵێت، سەرۆكی ئێستای ئەمریكی بەڕەگەز كورد و لە هۆزی بیرۆكیی كوردییە.

ئۆرخان میر ئۆغلۆ، سەركردە لە پارتی داد و گەشەپێدانی دەسەڵاتداری توركیا و پەرلەمانتاری پێشووی ئەو حزبە لە تویتێكدا دەڵێت، بەمدواییە لە یەكێك لە هاوڕێ كوردەكانیەوە زانیویەتی كە بنەڕەتی جۆ بایدن كوردە و “هەندێك دەڵێن ناوی ڕاستەقینەی بایدن (جیمویا بەهادین ئاغا)یە و، سەر بە خێزانێكی كوردە و لە یەریڤانەوە گەشتی بۆ ویلایەتە یەكگرتووەكان كردووە و، سەر بە هۆزی بیرۆكیی كوردییە”.

لە بەرامبەردا، ئەوەی لەبارەی بایدن-ەوە زانراوە ئەوەیە كە لەدایكبووی پێنسلڤانیا-ی ئەمریكایە و، باو و باپیرانی بەڕەگەز ئینگلیزی و ئێرلەندی و فەڕەنسین.

Geçenlerde konuştuğum bir Kürt dostum söyledi,ciddi olduğuna inanmak zor olsa da, amacın ne olduğunu tahmin etmek zor değil, birileri diyormuş ki,Biden’ın gerçek ismi Cımoyê Bahattîn Ağa imiş!Erivan’dan ABD’ye göç etmiş bir Kürt aileden geliyormuş ve aslen Bıruki aşiretindenmiş! pic.twitter.com/f8TXFHxnkB

— Orhan Miroğlu (@OrhanMiroglu) January 21, 2021

تویتەكە، كە ڕاستی و دروستییەكەی یان پێچەوانەكەی ڕون نییە، لەكاتێكدایە لەگەڵ وەرگرتنی پۆستی سەرۆكایەتی ئەمریكادا ئەو باوەڕە بڵاوبووەتەوە كە بایدن سیاسەتی پشتیوانیی كورد پەیڕەو دەكات و، بەمەش پەیوەندییەكانی ئەنقەرە و واشنتن هاوشێوەی سەردەمی دۆسیەی موشەكی (ئێس 400)ی ڕوسی بە سەردەمێكی دژواردا تێدەپەڕێت.

پێشتر سەرۆكی نوێی ئەمریكا چەندین لێدوانی دژ بە سیاسەتەكانی دەرەوەی توركیا، كە لەلایەن ڕەجەب تەیب ئەرۆدغان-ەوە بەڕێوەدەبڕێت داوە، لەكاتێكدا چەندین داواكاری لە ئەمریكاوە بەرزبوونەتەوە بۆ سەپاندنی سزای زیاتر بەسەر ئەنقەرەدا.

س: ڕۆژنامەی زەمان-ی توركی + ڕۆژنامەی Ahval News + ئاڕ تی