واژوو لەسەر ناردنی مووچەی مانگی ئازاری فەرمانبەران و مووچەخۆرانی هەرێم کرا و بڕیارە لە چەند رۆژی داهاتوودا بری پارەکە بگاتە هەرێم.
سەرچاوەیەک لە وەزارەتی دارایی عێراق رایگەیاند، تەیف سامی وەزیری دارایی عێراق واژووی لەسەر ناردنی مووچەی مانگی ئازاری مووچەخۆرانى هەرێمی کوردستان کرد.
میدیاى رەسمیی یەکێتى لە زارى ئەو سەرچاوەیەوە ئاماژەی بەوەشدا، بڕیارە ئەمڕۆ یان سبەینێ دارایى عێراق پارەى مووچە رەوانەی هەرێم بکات.
بەپێى زانیارییەکان بڕی ئەو پارەیەى رەزامەندى لەسەر ناردنى دراوە بریتییە لە 955 ملیار دینار.
