وەزارەتی كارەبای هەرێم رایدەگەیەنێت، پڕۆژەیەكی كارەبا لە سنووری بازیان، بەردەقارەمان، چەمچەماڵ و ئاغجەلەر جێبەجێدەكرێت.
لە راگەیەندراوەكەی وەزارەتی كارەبادا هاتووە، پڕۆژەی راكێشانی هێڵی 33 كەی ڤیی (بەردەقارەمان – بازیان) و (بەردەقارەمان – تەكییە) بەبڕی 3.5 ملیار دینار جێبەجێدەكرێت.
ئاماژە بۆ ئەوەش كراوە، پڕۆژەكەی بازیان – چەمچەماڵ گرنگییەكی زۆری بۆ چارەسەری كێشەی بارزۆریی وێستگەی 132 كەی ڤیی چەمچەماڵ هەیە، لەوانە كێشەی كەمیی ڤۆڵتیەی ناحیەی ئاغجەلەر چارەسەردەكات و سوودی بۆ ناوچەكانی بازیان و بەردەقارەمان و تەكیە دەبێت و لە چەند رۆژی داهاتوودا تەواودەبێت.
