رۆژانی سێ و چواری مانگی تشرینی یەکەمی ئەمساڵ، یەکەمین کۆنفرانسی زانستیی سەرۆک جەلال تاڵەبانی لە زانکۆی سلێمانی ئەنجامدەدرێت.
ئەمڕۆ سێشەممە، زانکۆی سلێمانی رایگەیاند، بەدروشمی “سەرۆك مام جەلال ڕاستی و هەڵوێستە مێژووییەكان” یەكەمین كۆنفرانسی زانستیی نێودەوڵەتیی سەرۆك جەلال تاڵەبانی ئەنجامدەدرێت.
ئاماژەی بەوەشدا، کۆنفرانسەکە بە هەماهەنگی لەگەڵ چەند زانکۆ و دامەزراوەیەک بەڕێوەدەچێت کە بریتین لە: دامەزراوەی سەرۆك جەلال تاڵەبانی، زانكۆكانی كۆیە، ڕاپەڕین، هەڵەبجە، گەرمیان، پۆلیتەكنیكی سلێمانی، پۆلیتەكنیكی گەرمیان، كۆمار، تیشكی نێودەوڵەتیی و قەیوانی نێودەوڵەتیی.
ئەوەشی خستەڕوو، کۆنفرانسەکە لە رۆژانی سێ و چواری مانگی تشرینی یەکەمی ئەمساڵدا بەڕێوەدەچێت و لە نۆ تەوەری زانستیی دەربارەی ژیان و کەسایەتی و کاریگەری سیاسیی سەرۆک مام جەلال پێکدێت.
