دوای ئەوەی دەستووری کاتیی سوریا واژۆکرا، ئەنجومەنی سوریای دیموکرات رەخنەی ئاراستە کرد و رایگەیاند، پێچەوانەی رێکەوتنەکەی نێوان مەزڵوم عەبدی و ئەحمەد شەرعە.
ئەنجومەنی سوریای دیموکرات رایگەیاند، بە هەموو شێوەیەک دەستووری کاتی سوریا رەتدەکەینەوە و بە هەنگاوێکی مەترسیداری دادەنێین بۆ داهاتووی سوریا.
ئاماژەی بەوەشدا، “ئەو کارەی ئەحمەد شەرع، سەرۆکی راگوزەری سوریا ئەنجامیداوە، هەمان ئەو کارەیە کە سەرۆکی پێشوو لە چوارچێوەی دەستوور و یاسادا ئەنجامیدابوو”.
ئەوەشی خستەڕوو، دەستووری نوێی سوریا لەگەڵ هەمەجۆری پێكهاتە و نەتەوەکانی سوریا یەکناگرێتەوە و مەترسی لەسەر گیانی پێکەوەژیان دروستدەکات و پێچەوانەی رێكەوتنەكەی نێوان مەزڵوم عەبدی و ئەحمەد شەرع، سەرۆكی کاتی سوریایە.
