وەزارەتی تەندروستیی هەرێمی كوردستان، توشبوونی 85 كەسی دیكەی بە كۆرۆنا ڕاگەیاند.
ئەمڕۆ هەینی 22ی كانونی دووەم، وەزارەتی تەندروستیی هەرێمی كوردستان، ئاماری نوێی كۆرۆنا-ی بڵاوكردەوە و ڕایگەیاند، لە 24 كاتژمێری ڕابردوودا سێ هەزار و 699 پشكنینی نوێ ئەنجامدراون و لەو ژمارەیە 85 توشبووی نوێ لە شارەكاندا تۆماركراون.
هەر لەو ماوەیەدا 954 توشبوو چاكبوونەتەوە و دوو توشبووش گیانیان لەدەستداوە كە لە هەولێر و دهۆك بوون.
ژمارەی توشبووانی كۆرۆنا لە هەرێم گەیشتە 105 هەزار و 501 كەس، لەو ژمارەیە 91 هەزار و 581 كەسیان چاكبوونەتەوە و سێ هەزار و 454 توشبووشیان گیانیان لەدەستداوە.
