د.کەمال کەرکوکی، ئەندامی مەکتەبی سیاسی پارتی رایگەیاند، دەیانەوێت خەڵک لە حکومەتی هەرێمی کوردستان هان بدەن و گەلی کوردستان بۆ مووچە خەباتی نەکردووە.
لە لێدوانێکیدا د.کەمال کەرکوکی، ئەندامی مەکتەبی سیاسی پارتی ئەوەی خستەڕوو، ”رۆژانێک ئێمە بووین بە پێشمەرگە، ئەنفال و کیمیاباران کراین، لەبەر ئەوە نەبوو کە مووچەیان نەئەداپێمان، پێویستە مافی گەلی کوردستان جێبەجێ بکرێت وەک ئەوەی لە دەستووردا هاتووە”.
جەختی لەوەشکردەوە، ”ئەوە دەستێکە دەیانەوێت خەڵکی کوردستان لە حکومەتی هەرێم هانبدەن و بەشێوەیەک پیشانی بدەن کە خەتای حکومەتە، بەڵام بودجە لە حکومەتی عێراقەوە دێت و کێشەکان دیارە کە دروستی دەکەن”.
دەشڵێت، ”ئێمە خەلکی خۆمان خۆشدەوێت و خەباتیان بۆ دەکەین، ئەو رۆژەی کە ئازاد دەبن و لەبندەستی کەسدا نامێنن دێتە پێشێ”.
