ئەمڕۆ یەکشەمەمە، ئوردن میوانداریی کۆبوونەوەی وڵاتانی دراوسێی سوریای کرد بە بەشداریی تورکیا، سوریا، عێراق و لوبنان بەڕێوەچوو.
کۆبوونەوەکە لەسەر ئاستی وەزیرانی دەرەوە و بەرگری و فەرماندەکانی سوپا و سەرۆکی هەواڵگری بەڕێوەچوو.
ئەیمەن سەفادی، وەزیری دەرەوەی ئوردن رایگەیاند، “ئاسایش و سەقامگیریی سوریا بەشێکی دانەبڕاون لە سەقامگیریی ناوچەکە”.
ناوبراو لە درێژەی قسەکانیدا، لە کۆنفرانسێکی رۆژنامەوانیی هاوبەشدا وتی، “کۆبوونەوەکە هەڵوێستی یەکگرتووی بۆ بەرەنگاربوونەوەی تیرۆر و داعش پشتڕاستکردەوە، ئێمە پشتیوانیی سوریا دەکەین بە شێوەیەک کە ئاسایش و سەقامگیرییەکەی بەدەستبهێنێت”.
چەند رۆژێکە گرژییە ئەمنییەکان لە کەناراوەکانی سوریا پەرەیان سەندووە، بەتایبەتی لە شارەکانی تەڕتوس و لازقییە، کە پێکدادان لەنێوان هێزەکانی حکومەت و گروپە چەکدارەکان سەریهەڵدا و لە ئەنجامدا کوژراو و برینداری لێکەوتەوە.
