بڕیارە رۆژی سێشەممە وەفدی دانوستانکاری ئەمریکا و ئۆکرانیا لە سعودیە سەبارەت بە کۆتاییهێنان بە جەنگی ئۆکرانیا و روسیا کۆببنەوە.
ڤۆلۆدمێر زلێنسکی سەرۆکی ئۆکرانیا رایگەیاند، لەیەکەم خولەکی هەڵگیرسانی جەنگەوە ئێمە بەدوای ئاشتیدا دەگەڕێین، بۆ کۆبوونەوەی وەفدی دانوستانکاری ئۆکرانیا و ئەمریکا پێشنیاری واقعی دەخرێنە سەر مێزی گفتوگۆ.
وتیشی، بڕیارمانداوە هەر کارێک بکەین بۆ کۆتاییهێنان بێت بەم جەنگە و بەدیهێنانی ئاشتییەکی بەردەوام.
ئاشکراشیکرد، وەفدەکەی وڵاتەکەی پێکدێن لە وەزیرانی دەرەوە و بەرگریی و یەکێک لە راوێژکارەکانی.
دانوستانەکانی ئۆکرانیا و ئەمریکا رۆژی سێشەممە لە ریازی پایتەختی سعودیە دەستپێدەکەن و پێشوەختەش ئۆکرانیا رای بەریتانیای لەبارەیەوە وەرگرتووە.
