پاسپۆرتی سلێمانی ئاگاداریەک ئاراستەی هاوڵاتییان دەکات سەبارەی بە هاتنە ناوەوەی منداڵی تازە لەدایکبووی عێراقی بۆ وڵاتەکە.
ئەمڕۆ پێنجشەممە، بەڕێوەبەرایەتیی پاسپۆرتی سلێمانی رایگەیاند، لەرێگای چەند ڕێکارێکی یاسایی و لە رێگای بەڵگەنامەی فەرمییەوە رێگا بە هاتنە ناوەوەی منداڵی تازە لەدایکبوو لە دەرەوە بۆ عێراق دەدرێت.
ئاماژەی بەوەشدا، رێگا بە منداڵی تازە لە دایک بووی عێراقی دەدرێت لە فڕۆکەخانەکانەوە بێتە ناو خاکی عێراقەوە، بەو مەرجەی هەڵگری بەڵگەنامەیەکی رەسمی عێراقی بێت.
ئەوەشی خستەڕوو، بەپێی رێکارەکان پێویستە بەڵگەنامەیەکی رەسمی عێراقیی تایبەت بە منداڵەکە بەردەستبێت، یاخود بەڵگەنامەی لەدایک بوون کە لەلایەن باڵیۆزخانەی عێراقەوە پشتڕاستکرابێتەوە، مەرجیش نییە منداڵەکە هەڵگری کارتی نیشتمانی بێت.
