بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای کەلار – خانەقین، بەهۆی پێکدادانی دوو ئۆتۆمبێلەوە، دوو کەس برینداربوون.
هاتوچۆی گەرمیان لە راگەیەندراوێکدا دەڵێت، بەیانیی ئەمڕۆ دووشەممە، ئۆتۆمبێلێکی جۆری تۆێۆتا پیکاب، بە ئاراستەی قەزای خانەقین رۆیشتووە و ئۆتۆمبێلێکی جۆری نیسان سەنی، بە ئاراستەی کەلار هاتووە و پێکیانداداوە.
دەشڵێت، بەهۆی ئەم رووداوەوە، شۆفێری هەردوو ئۆتۆمبێلەکە برینداربوون و گەیەندرانە نەخۆشخانەی خانەقین بەمەبەستی وەرگرتنی چارەسەر.
بەڕێوەبەرایەتییەکە باسیلەوەشکرد، شۆفێری ئۆتۆمبێلی جۆری تۆیۆتاکە، لەدایکبووی ساڵی 1968ـە و شۆفێری نیسان سەنی-یەکەش لەدایکبووی ساڵی 2001ـە، لێکۆڵینەوە لە رووداوەکە بەردەوامە لەلایەن تیمی هاتوچۆوە.
