وتەبێژی ئەپیکور، رایگەیاند، “بۆ دەستپێکردنەوەی هەناردەی نەوتی هەرێم ئامادەین”.
مایڵز کاگینز، وتەبێژی ئەپیکور، لە چاوپێکەوتنێکی تەلەفزیۆنیدا رایگەیاند، “کۆمپانیاکان دەیانەوێت پرۆسەی هەناردەکردنی نەوتی هەرێمی کوردستان دەستپێبکاتەوە”.
باسی لەوەشکرد، “بۆ دەستپێکردنەوەی هەناردەی نەوتی هەرێم ئامادەین هەماهەنگی لەنێوان بەغداد و هەولێردا بکەین و رێنمایی لە هەردوولا وەردەگرین بۆ ئەوەی بزانین رۆژانە چەند بەرمیل نەوت بەرهەمبهێنین”.
وتیشی، “دەمانەوێت بزانین کاری ئەو تیمە نێودەوڵەتییەی تێچووی بەرهەمهێنانی نەوت دیاریدەکات چۆنە”.
