عەلی عەلاق، پارێزگاری بانکی ناوەندیی عێراق رایگەیاند، عێراق بووەتە یەکێک لە باشترین وڵاتەکانی جیهان لە کۆنترۆڵکردنی فرۆشتنی دۆلاردا.
عەلی عەلاق لە لێدوانێکدا رایگەیاند، “عێراق ئەمڕۆ بووەتە یەکێک لە باشترین وڵاتەکانی جیهان لە کۆنتڕۆڵکردنی فرۆشتنی دۆلار، ئەمەش جێی شانازیکردنە و پێویستە میدیا تیشکی بخاتەسەر”.
وتیشی، بڵاوکردنەوەی هەواڵی ناڕاست لەبارەی دۆلارەوە، رەنگە زیان بە بەرژەوەندییەکانی عێراق و کەرتی بانکی بگەیەنێت.
ئاماژەی بەوەشکرد، “تیشک خستنە سەر ئەم گۆڕانکاری و پێشهاتانە، یارمەتیدەرە بۆ بەرزکردنەوەی متمانەی نێودەوڵەتی بە کەرتی بانکیی عێراق، کە ئەمەش بۆ بەردەوامیی پەرەپێدانی سیستمی دارایی لە عێراقدا زۆر گرنگە”.
