وەزارەتی دارایی هەرێم رایگەیاند، “راپۆرتێک لەسەر خەرجی و داهاتی شەش مانگی کۆتایی ساڵی رابردووی هەرێم ئامادەدەکرێت”.
وەزارەتی دارایی و ئابوریی هەرێم لە راگەیەندراوێکدا بڵاویکردەوە، “ئەمڕۆ یەکشەممە، ئاوات شێخ جەناب، وەزیری دارایی و ئابوری پێشوازیی لە تیمی هاوبەشی دیوانی چاودێریی دارایی عێراق و هەرێمی کوردستان کرد”.
باس لەوەشدەکات، “لە دیدارێکدا گفتوگۆ لەسەر بەرنامەی کاری تیمە هاوبەشەکان کرا کە بڕیارە راپۆرتێک لەسەر خەرجی و داهاتی شەش مانگی کۆتایی ساڵی رابردووی هەرێمی کوردستان لەسەر بنەمای راپۆرتەکانی تەرازووی پێداچوونەوەی مانگانە ئامادەبکەن”.
