ماڵپەڕی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەى بڵاوکردەوە.
بەپێی ماڵپەڕەکە، داهاتی ئەم هەفتەیە بڕی پێنج ملیار و 543 ملیۆن و 310 هەزار و 800 دینار بووە.
داهاتەکە بەپێى ئەوەى تا دوێنێ پێنجشەممە کۆکراوەتەوە بەراورد بە هەفتەى پێشوو بە رێژەى نزیکەى 76.44% و بە برى 17 ملیار کەمیکردووە، داهاتى هەفتەى پێشوو 22 ملیار و 492 ملیۆن و 610 هەزار و 940 دینار بووە.
بەڵام هەندێک داهاتى دیکەى ئەم هەفتەیە لە رۆژانى داهاتوودا دەخرێتە ناو ماڵپەرەکە و بەمەش ئەو ژمارەیەى ئەمڕۆ راگەیەندراوە، کۆى داهاتى هەفتەکە نییە.
