ئێوارەی ئەمڕۆ لەسەر رێگای دوکان – خەلەکان پاسێکی خوێندکاران تووشی رووداوی هاتوچۆ بوو و بەهۆیەوە زیاتر لە شەش خوێندکار برینداربوون.
سەرچاوەیەکی ئاگادار بە تۆڕی میدیایی ئێستای راگەیاند، ئێوارەی ئەمڕۆ لەسەر رێگای دوکان – خەلەکان، بارهەڵگرێک لە جۆری ئەکترۆس لەگەڵ مینی پاسێک کە خوێندکارانی پەیمانگەی تەکنیکی دوکانی گواستووەتەوە پێکیاندادا.
ئاماژەی بەوەشکرد، بەهۆی رووداوەکەوە زیاتر لە شەش خوێندکار برینداربوون، برینی سەرجەمیان سووکە و مەترسیدارنین.
