بەڕێوەبەرایەتیی گشتیی حەج و عومرەی هەرێم رایدەگەیەنێت، ئاگاداری سەرجەم ئەو كۆمپانیایانە دەكەین كە ناویان بۆ فەریزەی حەج دەرچووە بەزووترین كات سەردانی بەشی یاسایی بەڕێوەبەرایەتیی گشتیی حەج و عومرە بكەن.
بەپێی راگەیەندراوێكی بەڕێوەبەرایەتیی گشتیی حەج و عومرەی هەرێم، ئاگاداری سەرجەم ئەو كۆمپانیانە دەكەین كە ناویان بۆ وەرزی حەجی 2025 دەرچووە بە زووترین كات سەردانی بەشی یاسایی بەڕێوەبەرایەتیی گشتیی حەج و عومرەی كوردستان بكەن بە مەبەستی واژووكردنی گرێبەست.
هەر لە راگەیەندراوەكەدا هاتووە، هەر كۆمپانیایەك دوابكەوێت مافی بەشداریكردنی نامێنێت و كۆمپانیایەكی یەدەگ لە شوێنی دادەنرێت و دواكات بۆ سەردانكردنی كۆمپانیاكان رۆژی پێنجشەممە 20ی ئەم مانگە دەبێت.
ئاماژە بۆ ئەوەش كراوە، ئەو كۆمپانیانەی كە گرێبەستی عومرەیان نەكردووە پێویستە بڕی پێنج هەزار دۆلار لەگەڵ خۆیان بهێنن وەكو بارمتە.
