دادگای فیدراڵی عێراق سکاڵایەکی لەسەر وەزارەتی شەهیدان و ئەنفالکراوانی حکومەتی هەرێم رەتکردەوە و فراکسیۆنی یەکێتیی نیشتمانیش سوپاسی ئاراستە دەکات.
ئەمڕۆ سێشەممە، فراکسیۆنی یەکێتیی نیشتمانیی کوردستان لە ئەنجومەنی نوێنەرانی عێراق راگەیاندراوێکی بڵاوکردەوە و رایگەیاند، سوپاسی دادگای فیدراڵی عێراق دەکەین کە سکاڵاکەی سەر وەزارەتی شەهیدان و ئەنفالکراوانی رەتکردووەتەوە.
دەشڵێن، “خزمەتکردنی کەسوکاری سەربەرزی شەهیدان و ئەنفالکراوانی کوردستان، ئەرکێکی پیرۆزو گەورەیەو پێویستی بە وەزارەت و دامەزراوەی تر هەیە کە بتوانێ لەئاستی گەورەیی و پیرۆزیی ئەرکەکەدا بێت”.
ئاماژەیان بەوەشداوە، هیوادارین لە کابینەی نوێی حکومەتی هەرێمی کوردستان زیاتر بایەخ و گرنگی بە وەزارەتی شەهیدان و ئەنفالکراوان بدرێت، چونکە هێشتا داواکاری رەوا و خزموتگوزاری پێویست ماوە لەپێناو خزمەتکردنی کەسوکاری سەربەرزی شەهیدان جێبەجێبکرێت.
