ئەنجومەنی نوێنەرانی عێراق میوانداریی وەزیری سامانە سروشتییەکانی هەرێمی کوردستان و وەزیری نەوتی عێراق دەکات.
ڕۆژنامەی نیمچەڕەسمیی عێراق بڵاویکردەوە، بڕیارە ڕۆژی سێشەممە، ئەنجومەنی نوێنەرانی عێراق میوانداریی هەریەکە لە جێگری سەرۆکی حکومەتی فیدراڵ، وەزیری نەوتی عێراق و وەزیری سامانە سروشتییەکانی هەرێمی کوردستان، بریکاری وەزیری نەوتی عێراق بۆ کاروباری دەرهێنان و دابەشکردنی نەوت و بەڕێوەبەری گشتیی کۆمپانیای بەبازاڕکردنی نەوتی دەوڵەت (سۆمۆ)، دەکات.
ئەوەش هاتووە، کۆبوونەوەکە بەمەبەستی تاوتوێکردنی میکانیزمی هەناردەکردنی نەوتی عێراقە لە ڕێگەی هەرێمی کوردستانەوە بە بۆریی بۆ بەندەری جەیهان لە تورکیا.
