وتەبێژی یەکێتیی نیشتمانیی کوردستان رایدەگەیەنێت، ئەمڕۆ مەكتەبی سیاسیی حزبەکە بە سەرپەرشتیی بافڵ جەلال تاڵەبانی، لەبارەی پرسی پێکهێنانی کابینەی دەیەمی حکومەتی هەرێم، كۆدەبێتەوە.
سەعدی ئەحمەد پیرە، وتەبێژی یەكێتی لە لێدوانێکدا رایگەیاند، كۆبوونەوەكە تایبەتە بە تاوتوێكردنی چەند تەوەرێكی گرنگی پەیوەست بە هەرێمی كوردستان و عێراق.
ئاماژەی بەوەشداوە، تەوەرێکی گرنگی كۆبوونەوەكە تایبەت دەبێت بە هەڵسەنگاندنی دەرەنجامەکانی هەردوو شاندی دانوستانكاری یەكێتی و پارتی سەبارەت بە پێكهێنانی كابینەی نوێی حكومەتی هەرێم.
بەپێی زانیارییەکان، تەوەرێکی دیکەی گرنگی کۆبوونەوەکە تایبەت دەبێت بە مانگرتنی مامۆستایان و فەرمانبەرانی سلێمانی و هەوڵەكانی نێوان هەرێم و بەغداد بۆ چارەسەركردنی كێشەی مووچە.
