یەكێتی و پارتی كۆبوونەوە و راگەیەندراوێكی هاوبەشیان بڵاوكردەوە.
لە راگەیەندراوی لیژنەی هاوبەشی دانوستانكاری یەكێتیی نیشتمانیی كوردستان و پارتی دیموكراتی كوردستاندا هاتووە، دوای چەندین دانیشتنی چڕوپڕ و گفتوگۆی بوونیادنەرانە بەمەبەستی كاری هاوبەش لە قۆناغی داهاتووی حوكمڕانیدا، بەشێوەیەك كە لە ئاستی قۆناغی هەستیاری ئێستا و چاوەڕوانیی هاوڵاتییانی هەرێمی كوردستاندا بێت لێكگەیشتنی هاوبەش و رێككەوتنی سەرەتایی لەسەر زۆربەی تەوەرەكان هاتووەتە ئاراوە.
ئاماژە بۆ ئەوەش كراوە، ئەنجامی كۆبوونەوەكان دەخرێتە بەردەستی لیژنەی باڵای دانوستانكاری هەردوولا، بۆ یەكلاكردنەوەی.
