عومەر گوڵپی ئەندامی لیژنەی دارایی لە خولی پێشووی پەرلەمانی كوردستان رایگەیاند، خەرجكردنی پارەی مانگی 12 بۆ مووچەی مانگی 11 یەكێكە لە هۆكارەكانی دواكەوتنی مووچە كە بەغداد بڕی 441 ملیار دیناری بۆ مووچەی مانگی 12 ناردووە، وەزارەتی دارایی هەرێم بۆ مووچەی مانگی 11ی خەرجكردووە، ئەمە بووەتە هۆكاری دواكەوتنی تەرازووی پێداچوونەوە(میزان مراجعە)و دواجار دواكەوتنی مووچەی مانگی یەكی ئەمساڵیش.
باسی لەوەش كردووە، بۆ چارەسەركردنی كێشەكەش پێویستە مووچەی مووچەخۆران لە بانك و بە پێی بڕیاری دادگای فیدراڵی بێت كە دەڵێت لە بانكەكانی رەشید و رافیدەین و بازرگانی مووچە تەوتین بكرێت و ئامادەن، بەڵام هەرێم نایەت بۆ جێبەجێكردنی لەگەڵ رادەستكردنی داهاتی ناوخۆ بە پێی یاسای بودجە و رادەستكردنی نەوت بە سۆمۆ تا هەموو بەشە بودجەی هەرێم لە بەغداوە بێت بە (بەگەڕخستن و وەبەرهێنان و پەرەپێدانەوە).
