هێزەکانی سوریای دیموکرات بڵاویکردەوە، لە ماوەی یەک مانگی رابردوودا بەهۆی هێرشەکانی تورکیاوە، زیاتر لە 300 هاوڵاتیی لە رۆژئاوای کوردستان بوونەتە قوربانی.
هێزەکانی سوریای دیموکرات لە راگەیەندراوێکدا بڵاویکردەوە، لە ماوەی یەک مانگی رابردوودا بەهۆی هێرشی گرووپە چەکدارەکانی سەر بە تورکیا لە ناوچەکانی زرکان، عەین عیسا، سرین و بەنداوی تشرین 40 هاوڵاتیی مەدەنی کوژراون و 270 ی دیکەش برینداربوون.
ئاشکراشیکرد، ئەو ئامارانەی لەلایەن تورکیاوە بڵاودەکرێنەوە دوورن لە راستییەوە و بە مەبەستی چەواشەکاری بڵاودەکرێنەوە.
