وتەبێژی یەكێتی رایدەگەیەنێت، یەكێتی و پارتی دوو لایەنی سەرەكیین لە پڕۆسەی بەڕێوەبردنی هەرێمی كوردستان و بەبێ هیچیان حكومەت پێكناهێندرێت.
سەعدی ئەحمەد پیرە، وتەبێژی یەكێتیی نیشتمانیی كوردستان لە لێدوانێكدا رایگەیاند، كابینەی 10ی حكومەتی هەرێم بەبێ هیچ كام لە یەكێتی و پارتی پێكناهێندرێت، لەبەر ئەوەی هیچ كامیان ناتوانن زۆرینە تەواوبكەن.
وتیشی، “دەبێت روون بێت كە حكومەتی هەرێم چی بەبێ پارتی و چی بەبێ یەكێتی حكومەتێكی ناتەواو و لاسەنگ دەبێت، ئەگەر لایەنەكانی دیكەی تێدابێت ئەوا باشترە و ئەگەریش لایەنەكانی دیكەی تێدا نەبێت ئەوا پڕۆسەی پێكهێنانی حكومەت هەر جێبەجێدەبێت”.
دوێنێش وتەبێژی یەكێتی رایگەیاند، كۆبوونەوەكانی لیژنەی تەكنیكیی یەكێتی و پارتی بۆ دیاریكردنی بەرپرسیارێتی و، دیاریكردنی پێكەوە كاركردنی هەردوو حزبە.
دەربارەی وادەی پێكهێنانی حكومەتی نوێش روونیكردەوە، لەوادەكەی گرنگتر پێكهێنانی حكومەتێكی باش و بەرنامەیەكی باشە، بۆ ئەوەی هیچ لایەنێك گلەیی نەبێت.
