هێزەکانی سوریای دیموکرات رایگەیاند، ژمارەی کوژراوانی گرووپەکانی سەر بە تورکیا لە باکووری بەنداوی تشرین بۆ 63 چەکدار بەرزبووەوە.
هەسەدە ئاماژەی بەوەکردووە، لە رووبەڕووبوونەوەکانی دوێنی هێزەکانیان لەگەڵ چەکدارانی گرووپەکان لە باکووری بەنداوی تشرین و باشووری رۆژهەڵاتی شاری منبج، 63 چەکداری گرووپەکان کوژراون و 37یان بە سەختی بریندارکراون.
بەرەبەیانی دوێنێ، چوارشەممە، گرووپەکان بە پاڵپشتی فڕۆکە جەنگییەکان و فڕۆکە بێفڕۆکەوانەکانی تورکیا، هێرشی بەرفراوانیان بۆ سەر گوندەکانی دەوروبەری بەنداوی تشرین، باشووری رۆژهەڵاتی مەنبج ئەنجامدا.
لە ئاکامی رووبەڕووبوونەوەکان، تانکێک و 5 ئۆتۆمبێلی سەربازی تێکشکێندراون، ئەمە جگە لەوەی زیان بە 3 زرێپۆشی سەربازی BMB گەیەندراوە.
