مەڵبەندی 3ی هەولێری یەكێتی لە پەیامێكیدا دەڵێت، “بەڵێ سەردەم سەردەمی بافڵ جەلال تاڵەبانییە و سەرۆك رۆژ بە رۆژ بە تەحەددای گەورە رووبەڕووی نەیارەكانی دەبێتەوە و نەیارەكانیشی بەردەوام لە هەڵاتن دان”.
هەر لە پەیامەكەدا هاتووە، لەپەیامی رۆژی 2024/10/2 وتمان سەردەم سەردەمی سەرۆك بافڵ جەلال تاڵەبانییە، بەهۆی پاوانكردنی سۆز و خۆشەویستیی كۆمەڵانی خەڵكی كوردستان بە گشتی و توێژی گەورە و فراوانی گەنجان و لاوان بە تایبەت، سەرۆك رۆژ بە رۆژ بە تەحەددای گەورە رووبەڕووی نەیارەكانی دەبێتەوە و نەیارەكانیشی بەردەوام لە هەڵاتن دان.
ئاماژە بۆ ئەوەش كردووە، ئەوانەی لەسەر حسابی ئەم میللەتە جوامێر و نەفس بەرزە خۆیان دەوڵەمەند كردووە، ئەوانەی كەڵەگای سەر بازاڕ و بازرگانی و دوكاندار و دەستگێڕ و عەرەبانچییەكانن وەرن وەڵامی چاڵنجی دووەمی سەرۆك بافڵ بدەنەوە كە دوێنێ لە كەرنەڤاڵــی دەڤەری راپەڕین دا وتی وەرن چاڵنجتان دەكەم بۆ ئەوەی هەموو خەڵكی كوردستان بزانێت:
كـــێ گەندەڵە؟
كــــــــــێ دزە؟
چاڵنجەكەی ترتان پێ نەكرا ، ئایا ئەوەیان قبووڵ دەكەن؟
ئـایـا وەڵامی سەرۆك دەدەنەوە؟
یان خەڵكــــی كوردستان لە رۆژی هەڵبژاردن وەڵامتان بدەنەوە؟
