لەسەر داوای فراكسیۆنی یەكێتی، وەزارەتی نەوتی عێراق رەزامەندی دەربڕی بە تەرخانكردنی بڕی 50 ملیۆن لیتر نەوتی سپی بۆ هاوڵاتییانی هەرێم كە هەر بەرمیلێك نەوت بە نرخی 50 هەزار دینار بە هاوڵاتییان بدرێت.
چرۆ حەمە شەریف، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، وەزارەتی نەوتی عێراق رەزامەندی دەربڕی كە بڕی 50 ملیۆن لیتر نەوتی سپی بۆ هەرێمی كوردستان بنێرێت كە بەڕێوەبەرایەتیی نەوت و كانزاكانی هەڵەبجە ئاگاداركراوەتەوە ئەو نەوتە وەربگرن.
راشیگەیاند، هەر بەرمیلێك نەوت بە نرخی 50 هەزار دینار دابیندەكرێت كە سەرەتا لە ناوچە شاخاوییەكان نەوتی سپی دابەشدەكرێت و لە ماوەی 10 رۆژدا نەوتەكە دابەشبكرێت.
