جان ماری لوپان-ی سیاسەتمەتداری فەرەنسیی ناسراو لە تەمەنی 96 ساڵیدا لە پاریس كۆچی دواییكرد.
خێزانەكەی، لە راگەیەندراوێكدا كە میدیاكانی فەرەنسا بڵاویانكردەوە، رایگەیاند، پاشنیوەڕۆی ئەمڕۆ كۆچی دواییكردووە. هەروەك حزبەكەی “گردبوونەوەی نیشتمانی” كە لوپان دامەزرێنەری بوو هاوخەمی نیشاندا و بە “كوڕی گەل” ناویبرد.
لوپان بە كەسایەتییەكی مێژوویی راستڕەوی پەڕگیری فەرەنسی و، یەكێك لە سمبولەكانی راستڕەو لە سەرتاسەری ئەوروپا لەماوەی دوو دەیەی رابردوودا دادەنرێت.
بەو وتارە دەناسرێتەوە كە بەهۆیەوە گەیشتە كۆتا گەڕی هەڵبژاردنی سەرۆكایەتیی لە ساڵی 2002دا لە بەرامبەر جاك شیراك-ی ركابەری.
كچەكەی مارین لوپان لە ساڵی 2011ەوە سەرۆكایەتی حزبەكەی گرتووەتە ئەستۆ كە ئێستا لەژێر ناوی “گردبوونەوەی نیشتمانی”یە و، خۆی بۆ سەرۆكایەتیی وڵات كاندیدكرد.
مارین پارتەكەی كردووەتە هێزێكی سیاسیی سەرەكی لە فەرەنسا.
