لە سلێمانی پڕۆژەی هایدرۆپۆنیک ئەنجامدرا کە بریتییە لە “چاندنی ئاوی- بێ خاک” و شێوازێکی پێشکەوتووی کشتوکاڵییە.
محەمەد کامیل، سەرپەرشتیاری پڕۆژەی هایدرۆپۆنیک لە لیدوانێکیدا بۆ تۆڕی میدیایی ئێستای راگەیاند، پڕۆژەیەکی کشتوکاڵییان بەناوی سیستەمی “هایدرۆپۆنیک” ئەنجامداوە، کە بریتییە لە شێوازێكی سەردەمییانەی کشتوکاڵکردن و بۆ چاندنی بەروبووم و رووەک.
وتیشی، “لە رێگای ئەم پرۆژەیەوە بەرهەمە کشتوکاڵییەکان تەندروستتر دەبن و بەڕێژەی کەمتر لە 70% پێویستیان بە ئاو دەبێت، ئەمەش کارئاسانی بۆ جوتیارەکان دەکات”.
پڕۆژەی هایدرۆپۆنیک لەلایەن کۆلێجی ئەندازیاریی زانستە کشتوکاڵییەکانی زانکۆی سلێمانیی و دامەزراوەی ڤیم-ەوە ئەنجامدراوە.
