لە وڵاتی چین ڤایرۆسێکی نوێ بڵاوبووەتەوە کە نیشانەکانی لە ئەنفلۆنزا دەچن و بەرپرسانی تەندروستیی وڵاتەکەش داوای بەکارهێنانی ماسک لە هاوڵاتییان دەکەن.
میدیاکانی چین بڵاویانکردەوە، ئەو ڤایرۆسەی بڵاوبووەتەوە لە جۆری HMPV، کە نیشانەکانی هاوشێوەی ئەنفلۆنزان، وەک رشانەوە و تاو، گۆڕانی دەنگ.
یەکێک لەو هۆکارانەی کە پزیشکانی وڵاتەکەی نیگەرانکردووە، بەرزبوونەوەی حاڵەتەکانی هەوکردنی سییەکانە لەو کەسانەی خوار تەمەنی 14 ساڵانن.
هەتابێت ژمارەی تووشبووان بە ڤایرۆسەکە لە چین زیاتر دەبێت و تا ئێستا هیچ دەرمانێکی تایبەت یان ڤاکسینێک دژی نەخۆشییەکە بەرهەمنەهێنراوە.
بەمەبەستی رێگریکردن لە بڵاوبوونەوەی زیاتری ڤایرۆسەکە، بەرپرسانی تەندروستیی وڵاتەکە داوایان لە هاوڵاتییان کردووە، ماسک ببەستن و خۆیان لە قەرەباڵغی بپارێزن.
