بەڕێوەبەری سەنتەری فریاکەوتنی خێرای سلێمانی، رایگەیاند، شەوی سەری ساڵ 13 حاڵەتی برینداربوون لە سلێمانی تۆمارکراون.
سامان نادر، بەڕێوەبەری سەنتەری فریاکەوتنی خێرای سلێمانی، بە تۆڕی میدیایی ئێستای راگەیاند، شەوی رابردوو لەکاتی بەڕێوەچوونی ئاهەنگەکانی سەری ساڵ لە سلێمانی 13 حاڵەتی برینداربوون تۆمارکران.
وتیشی، لەنێو حاڵەتەکاندا رووداوی هاتوچۆ، شەڕەچەقۆ، بورانەوە و تەنگەنەفەسی هەبووە، هەروەها حاڵەتیش هەبووە کە تەقەمەنی بەر چاوی کەوتووە و برینداربووە.
سامان نادر، ئەوەشی وت، “لە شەوی رابردوودا 100 کەس لە شوێنە جیاجیاکان چارەسەری پزیشکییان بۆ ئەنجامدراوە، کە ئازاری سەرئێشە، ددان ئێشە و چەند گرفتێکی دیکەیان هەبووە”.
