جەمال کۆچەر ئەندامی لیژنەی دارایی لە ئەنجومەنی نوێنەرانی عێراق رایگەیاند، بەرزبوونەوەی نرخی دۆلار لە بازاڕەکاندا کاتییە و ئەگەر بەردەوامبێت هەڵوێستیان دەبێت.
جەمال کۆچەر لە لێدوانێکدا رایگەیاند، لەگەڵ بانکی ناوەندی بە وردی چاودێریی نرخی دۆلار و دراوەکانی دیکە لە بازاڕدا دەکەین، بەرزبوونەوەی ئەمجارەی نرخی دۆلار کاتییە و بەردەوام نابێت.
ئاماژەی بەوەشکرد، ئەگەر لە ماوەکانی داهاتوودا ئەم بەرزبوونەوەیە بەردەوامی هەبێت، ئەنجومەنی نو‌ێنەران هەڵوێستی دەبێت و پارێزگاری بانکی ناوەندی بانگهێشت دەکات.
ئەمە لە کاتێکدایە نرخی 100 دۆلاری ئەمریکی لە بازاڕەکانی عێراقدا 152 هەزار دیناری تێپەڕاندووە.
