وەزارەتی گواستنەوە و گەیاندنی عێراق پرۆژەی تاکسیی نیشتمانی رادەگەیەنێت و بە هەنگاوێکی تەندروست و بەسوودی دادەنێت.
موهەیبس سەعداوی وەزیری گواستنەوە و گەیاندنی عێراق رایگەیاند، بەمزووانە پڕۆژەی تاکسیی نیشتمانیی دەهێندرێتە عێراقەوە، ئامانج لەم هەنگاوەش پاراستنی ژینگەو تەندروستی خەڵکییە.
وتیشی “تاکسییەکان بەجۆرێک دیزایینکراون کە دۆستی ژینگەن و کەمترین گاز و ماددەی ژەهراوی بڵاودەکەنەوە، قەبارەشیان گونجاوە و قەرەباڵغی شەقامەکان کەمدەکەنەوە”.
ئاماژەی بەوەشدا، پڕۆژەکە لەلایەن سەرۆکوەزیرانی عێراقەوە پێشوازییەکی ئەرێنی لێکراوە و هەوڵ دەدەین بە زووترین کات جێبەجێیبکەین.
