لە شاری هەولێر خۆبەخشانی کەرتی تەندروستی گردبوونەوە و داوای دامەزراندن و هەژمارکردنی ساڵی خزمەتییان دەکەن.
خۆبەخشانی کەرتی تەندروستی شاری هەولێر گردبوونەوەی ناڕەزایەتییان ئەنجامدا و رایانگەیاند، داوای دامەزراندن لە کەرتی تەندروستیدا دەکەن و بۆ ئەم مەبەستەش چەندین یاداشت و داواکارییان ئاراستەی وەزارەتی تەندروستی و لایەنی پەیوەندیدار کردووە بەڵام سوودی نەبووە.
هاوکات، نوێنەری خۆبەخشان لە كۆنگرەیەكی رۆژنامەنووسیدا وتی، “داواکارین سەرجەم کارمەندانی کەرتی تەندروستی بە شێوازی هەمیشەیی دابمەزرێن و ساڵی خزمەتیان بۆ هەژمار بکرێت کە 10 ساڵە”.
ئاماژەی بەوەشدا کە ژمارەی خۆبەخشانی کەرتی تەندروستی لە هەرێمی کوردستان زیاتر لە 10 هەزار کارمەند دەبێت و بێبەشن لە مافی دامەزراندن.
